நோய்ப்பாதிப்பு ஆய்வு
-எவ்வித அறிகுறிகளுமே இல்லாதவர்களில், புற்றுநோய் போன்றதோர் நோயைக் கண்டுபிடிப்பதற்காக உபயோகிக்கிற பரிசோதனைகள் மற்றும் ஆய்வுகள்.

ஆரம்பகாலத்திலேயே கண்டுபிடித்தல்
-மற்றபடி கண்டுபிடிப்பதை விட ஆரம்பகாலத்திலேயே கர்ப்பப்பை வாய்ப் புற்றுநோயைக் கண்டுபிடிக்க வழிசெய்கிற ஒரு அணுகுமுறையை உபயோகித்தல்.

கர்ப்பப்பை வாய்ப் புற்றுநோயை, ஒரு பேப் (Pap) பரிசோதனையைக் கொண்டு (இதனை எச்பிவி-க்கானதோர் பரிசோதனையோடு சேர்த்தும் செய்யலாம்) தொடர்ந்து நோய்ப்பாதிப்பு ஆய்வு( செய்வதன் மூலம் ஆரம்பகாலத்திலேயே கண்டுபிடித்து விடலாம்.

கர்ப்பப்பை வாய்ப் புற்றுநோயின் அடையாளங்கள் அல்லது அறிகுறிகள் எல்லாவற்றிலும் விழிப்போடு இருப்பது, அந்நோயைக் கண்டுபிடிப்பதில் ஏற்படக் கூடிய தேவையில்லாத கால தாமதங்களைத் தவிர்க்க உதவக்கூடும்.

ஆரம்பகாலத்திலேயே கண்டுபிடித்து விடுவது, வெற்றிகரமான சிகிச்சைக்கான வாய்ப்பை பெருமளவில் அதிகரித்து, ஆரம்பகால கர்ப்பப்பை வாய் அணு மாற்றம் எதுவும், புற்றுநோயுள்ளதாக மாறிவிடுவதைத் தவிர்க்கிறது.

கர்ப்பப்பை வாய்ப் புற்றுநோயிற்காக நோய்ப்பாதிப்பு ஆய்வு( செய்வதற்கென பல்வேறு வழிகள் இருக்கின்றன

பாரம்பரியமான நோய்ப்பாதிப்பு ஆய்வு பரிசோதனை தான் பேப் (Pap) பரிசோதனை என்று அழைக்கப்படுகிறது.

ஒரு பேப் (Pap) பரிசோதனை என்பது (சில நேரங்களில் ஒரு "பேப் (Pap) தடவல் மாதிரி”) என்று அழைக்கப்படுகிறது), புற்றுநோயின் ஆரம்பகட்ட அடையாளங்கள் இருக்கிறதா எனப் பார்ப்பதற்காக கர்ப்பப்பை வாயை சோதிப்பதற்கு மருத்துவர்கள் உபயோகிக்கிறதோர் பரிசோதனையாகும்.

கர்ப்பப்பை வாய் மற்றும் பெண்ணுறுப்பிலிருந்து அணுக்களை நாசூக்காக வளித்தெடுப்பதற்காக, ஒரு பஞ்சுத் துண்டு, ஒரு தூரிகை அல்லது ஒரு சிறிய மரக் குச்சி உபயோகிக்கப்படுகிறது. அவ்வணுக்கள் இயல்பிற்கு மாறானவையாக உள்ளனவா என்பதைக் கண்டுபிடிப்பதற்காக, அவை ஒரு நுண்ணோக்கியின் கீழ் வைத்துப் பார்க்கப்படுகின்றன.

முதல் பேப் (Pa) பரிசோதனை 21 வயதில் சிபாரிசு செய்யப்படுகிறது

21 வயதிற்கு மேற்பட்ட பெண்களுக்குப் பேப் (Pap) பரிசோதனை ஒவ்வொரு 3 ஆண்டுகளுக்கு ஒருமுறை செய்து கொள்ளுமாறு ஆலோசனையளிக்கப்படுகிறது.

பரிசோதனை முடிவுகள் இயல்பானதாக இல்லையென்றால் அல்லது எச்ஐவி நோயுள்ள அல்லது மற்ற குறிப்பான நோயெதிர்ப்பு மண்டல நிலைமைகள் உள்ள பெண்களுக்கு, அடிக்கடி பரிசோதனை செய்வது அவசியமாகலாம்.

மனித பேப்பில்லோமா வைரஸிற்கானதோர் தடுப்பூசியை நீங்கள் போட்டிருந்தாலும் கூட, உங்களுக்கு இப்போதும் கர்ப்பப்பை வாய்ப் புற்றுநோயிற்கான நோய்ப்பாதிப்பு ஆய்வு( செய்து கொள்வது அவசியமாகும்.

ஒருசில வகை எச்பிவி நோய்த்தொற்றுக்கள் உள்ளனவா எனப் பார்ப்பதற்காக, டிஎன்ஏ (மரபியல் பொருள்)-வை சோதிப்பதற்கு உபயோகிக்கப்படுகிறதோர் ஆய்வுக்கூடப் பரிசோதனை.

கர்ப்பப்பை வாயிலிருந்து அணுக்கள் சேகரிக்கப்பட்டு, அதிலுள்ளதோர் நோய்த்தொற்று, கர்ப்பப்பை வாய்ப் புற்றுநோயோடு தொடர்புபடுத்தக் கூடியதோர் ஒருவகை ஹியூமன் பேப்பில்லோமா வைரஸ் கிருமியால் உண்டாக்கப்படுகிறதா என்பதைக் கா‎ண்பதற்காக சோதிக்கப்படுகிறது.

பேப் (Pap) தடவல் மாதிரிப் பரிசோதனையின் முடிவுகள், ஒருவகை இயல்பிற்கு மாறான கர்ப்பப்பை வாய் அணுக்களைக் காண்பிக்கிற பட்சத்தில், இப்பரிசோதனை செய்யப்படலாம்.

நீங்கள் 30 வயது அல்லது அதற்கு மேற்பட்டவராக இருக்கிற பட்சத்தில், பேப் (HPV) பரிசோதனைக்குக் கூடுதலாக உங்கள் மருத்துவர் எச்பிவி பரிசோதனை செய்து கொள்வதையும் சிபாரிசு செய்யலாம்.

உங்களது எச்பிவி பரிசோதனையிலும், பேப் (Pap) பரிசோதனையிலும் அவ்வகைக் கிருமிகள் இல்லை என்றால், அடுத்த ஐந்து ஆண்டுகளுக்கு வழக்கமாகவே அப்பரிசோதனையைத் திரும்பச் செய்ய வேண்டியதில்லை.

உங்களது பேப் (Pap) பரிசோதனை முடிவுகள் தெளிவானதாக இல்லை என்றாலும் கூட எச்பிவி பரிசோதனை செய்யப்படலாம்

கர்ப்பப்பை வாய்ப் புற்றுநோயின் அடையாளங்கள் அல்லது அறிகுறிகள் எல்லாவற்றிலும் விழிப்போடு இருப்பது, அந்நோயைக் கண்டுபிடிப்பதில் ஏற்படக் கூடிய தேவையில்லாத கால தாமதங்களைத் தவிர்க்க உதவக்கூடும்.

www.magnahealthsolutions.com