அநேக நிலைகளில், ஆம்.

முதல் வழி என்பது, முன்நிலைப் புற்றுநோய்களை (pre-cancers), அவை உண்மையான புற்றுநோய்களாக ஆகுவதற்கு முன்பாகவே அவற்றைக் கண்டுபிடித்து, அவற்றுக்குச் சிகிச்சையளிப்பதாகும், மேலும் இரண்டாவது என்பது முன்நிலைப் புற்றுநோய்களையே வரவிடாமல் தடுப்பதாகும்.

கர்ப்பப்பை வாய்ப் புற்றுநோயை வரவிடாமல் தவிர்ப்பதற்கான, ஒரு நன்கு-நிரூபிக்கப்பட்ட வழி என்பது, முன்நிலை-புற்றுநோய்களை, அவை ஆக்கிரமிக்கும் புற்றுநோயாக மாறுவதற்கு முன்பே அவற்றைப் பரிசோதனை செய்து (நோய்ப்பாதிப்பு ஆய்வு) கொள்வதேயாகும்.

இதற்கு பேப் (Pap) பரிசோதனை (அல்லது பேப் (Pa) தடவல் மாதிரி) மற்றும் ஹியூமன் பேப்பில்லோமா வைரஸ் (எச்பிவீ) பரிசோதனை ஆகியவை உபயோகிக்கப்படுகின்றன.

முன்நிலை-புற்றுநோய் இருப்பதாகக் காணப்பட்டால், அதற்குச் சிகிச்சையளித்து, கர்ப்பப்பை வாய்ப் புற்றுநோய் உண்மையில் ஆரம்பித்து விடுவதற்கு முன்பே அதனை நிறுத்தி விட முடியும்.

அனைத்துப் பெண்களுமே, 21 வயதில் கர்ப்பப்பை வாய்ப் புற்றுநோய்ப் பரிசோதனையை (நோய்ப்பாதிப்பு ஆய்வு) ஆரம்பித்து விட வேண்டும். 21 முதல் 29 வயதுள்ள பெண்கள், ஒவ்வொரு 3 ஆண்டுகளுக்கு ஒருமுறை பேப் (Pap) பரிசோதனையை செய்து கொள்ள வேண்டும்.

30 வயதில் ஆரம்பித்து, அதனை நோய்ப்பாதிப்பு ஆய்வு செய்வதற்கான விரும்பத்தக்கதோர் வழி என்பது, ஒவ்வொரு 5 ஆண்டுகளுக்கும் ஒருமுறை எச்பி£வி பரிசோதனையோடு சேர்த்து பேப் (Pap) பரிசோதனையை செய்து கொள்வதேயாகும். இது 65 வயது வரைத் தொடர வேண்டும்.

30 முதல் 65 வயது வரையுள்ள பெண்களுக்கான இன்னொரு நியாயமான வாய்ப்ப்பு என்பது, வெறும் பேப் (Pap) பரிசோதனையை மட்டும் ஒவ்வொரு 3 ஆண்டுகளுக்கு ஒருமுறை பரிசோதனை செய்து கொள்வதேயாகும்.

முன்நிலை-புற்றுநோய்களை வரவிடாமல் தவிர்ப்பதற்குச் செய்ய வேண்டிய காரியங்கள்

-எச்பி£வி கிருமிக்கு ஆட்படுவதைத் தவிர்த்திடுங்கள்
-புகைப்பிடிக்காதீர்கள்
-தடுப்பூசி போட்டுக் கொள்ளுங்கள்

-மிகக் குறைந்த வயதிலேயே பாலுறவு கொள்வதைத் தவிர்த்து விடுங்கள்
-ஒன்றுக்கும் மேற்பட்டவர்களோடு பாலுறவு கொள்வதைத் தவிர்த்து விடுங்கள்
-அநேகரோடு உடலுறவு கொண்டிருக்கிறவரோடு பாலுறவு கொள்வதைத் தவிர்த்து விடுங்கள்
-சுன்னத் செய்யாத ஆண்களோடு பாலுறவு கொள்வதைத் தவிர்த்து விடுங்கள்
-ஆணுறைகளை உபயோகிக்கிற ஆண்களுக்கு எச்பி£வி நோய்த்தொற்று ஏற்படவும், அதனைத் தங்களது துணைவியருக்குக் கடத்துவதற்குமான குறைந்த வாய்ப்பே உள்ளது.

புகைப்பிடிக்காமலிருப்பது என்பது, கர்ப்பப்பை வாய், முன்நிலை-புற்றுநோய் மற்றும் புற்றுநோயிற்கான ஆபத்தைக் குறைப்பதற்கான இன்னொரு முக்கியமான வழியாகும்.

மக்கள் எச்பி£வி கிருமி மூலம் நோய்த்தொற்றடைந்து விடுவதிலிருந்து தடுக்கிற தடுப்பூசிகள் தற்போது கிடைக்கின்றன.

மருத்துவர்களின் விருப்புரிமையின் பேரில், 11 முதல் 12 வயதுள்ள பெண்களுக்கு, மேலும் 9 வயதிலிருந்தே, வழக்கமாக எச்பிவி தடுப்பூசியைக் கொடுக்க வேண்டும் என்றே அமெரிக்கப் புற்றுநோய் சங்க (American Cancer Society) வழிகாட்டுதல்கள் சிபாரிசு செய்கின்றன. 18 வயது வரையான பெண்கள், ஈடு செய்யும் தடுப்பூசிகளைப் போட்டுக் கொள்ள வேண்டும் என்றும் அச்சங்கம் சிபாரிசு செய்கிறது.

 எச்பி£வி தடுப்பூசு போடுவதற்கான முதன்மையான இலக்கு மக்கட்தொகை என்பது, 9 முதல் 13 வயது முடிய உள்ள வயதிற்குள் உள்ள பெண் பிள்ளைகளே என்றே உலக சுகாதார நிறுவனத்தின் (WHO) நிலை அறிக்கை சொல்கிறது.

www.magnahealthsolutions.com