கடைப்பெருங்குடல் புற்றுநோய் - நோய்க்குறி அறிதல் மற்றும் ஸ்டேஜிங்(நோய்க் கட்டநிலை அறிதல்)
நோயாளிக்கு கடைப்பெருங்குடல் புற்றுநோய் அறிகுறிகள் இருந்தால், அவை புற்றுநோயினால் ஏற்பட்டுள்ளதா அல்லது வேறு காரணத்தால் ஏற்பட்டுள்ளதா என்பதை மருத்துவர் கண்டறியவேண்டும்.
நோயாளியின் குடும்ப மற்றும் சுய மருத்துவச் வரலாறு குறித்து மருத்துவர் கேட்கலாம்.
உடற் பரிசோதனை மற்றும் சரித்திரம்
புடைப்புகள் அல்லது வேறு ஏதேனும் வழக்கத்திற்கு மாறாகத் தோன்றுபவைகள் போன்ற நோய் அடையாளங்கள் உள்ளனவா எனச் சோதிப்பது உட்பட, பொதுவான சுகாதார அடையாளங்களை குறித்து உடலை பரிசோதித்தல்.
நோயாளியின் சுகாதாரப் பழக்கவழக்கங்கள், கடந்தகால சுகவீனங்கள் மற்றும் சிகிச்சைகள் குறித்த சரித்திரமும் பரிசீலிக்கப்படும்.
டிஜிட்டல்(விரல்சார்) மலக்குடல் பரிசோதனை
மலக்குடலை பரிசோதித்தல்.
புடைப்புகள் அல்லது வேறு ஏதேனும் வழக்கத்திற்கு மாறாகத் தோன்றுபவைகள் உள்ளனவா என்பதை தொட்டு உணர்வதற்காக மருத்துவர் கையுறை அணிந்து மசகிட்ட(உயவிட்ட) தன் விரலை மலக்குடலுக்குள் நுழைப்பார்.
·பீக்கல் அக்கல்ட்(கழிவுசார் மறைபொருள்) இரத்தப் பரிசோதனை
ஒரு நுண்ணோக்கி வழியாகவே பார்க்கவியலும் இரத்தம் குறித்து மலத்தை (திடக் கழிவு) சோதிப்பதற்கான ஒரு பரிசோதனை.
மலத்தின் சிறிய மாதிரிகள் சிறப்பு அட்டைகள் மீது வைக்கப்பட்டு, அவை சோதிக்கப்படுவதற்காக மருத்துவரிடமோ பரிசோதனை நிலையத்திடமோ ஒப்படைக்கப்படுகிறது.
கீழ்ப்புற இரைப்பைக் குடலிய தடத்தை காட்சிப்படுத்தும் ஓர் எக்ஸ்-ரே படங்களின் வரிசை.
பேரியம் (வெள்ளிநிற உலோகச் சேர்மம்) அடங்கிய ஒரு திரவம் மலக்குடலுக்குள் செலுத்தப்படுகிறது.
பேரியம் இரைப்பைக் குடலிய தடத்தில் மேல்பூச்சு போல் படர்ந்துகொண்ட பின், எக்ஸ்-ரே படங்கள் எடுக்கப்படுகின்றன.
நீர்ச்சதைகள் (புடைத்த திசுவின் சிறு துண்டுகள்), இயல்பற்ற பகுதிகள், அல்லது புற்றுக்கட்டி ஆகியவை உள்ளனவா எனக் காண்பதற்காக மலக்குடல் மற்றும் சிக்மாய்டு (கீழ்ப்புற) முன்பெருங்குடலின் உட்புறத்தை நோக்குகிற ஒரு நடைமுறை.
சிக்மாய்டோஸ்கோப் மலக்குடல் வழியாக சிக்மாய்டு (கீழ்ப்புற) முன்பெருங்குடல் உள்ளே நுழைக்கப்படுகிறது.
சிக்மாய்டோஸ்கோப் என்பது, ஒரு விளக்கு மற்றும் பார்வைக்கான ஒரு லென்ஸ் ஆகியவற்றைக் கொண்ட மெல்லிய, குழல்-போன்ற உபகரணம். அதில், நீர்ச்சதைகள் அல்லது திசு மாதிரிகளை நீக்கியெடுப்பதற்கான ஒரு கருவியும் இருக்கலாம்; புற்றுநோய் அடையாளங்கள் உள்ளனவா என அறிவதற்காக இந்த மாதிரிகள் ஒரு நுண்ணோக்கி வழியாகச் சோதிக்கப்படும்.
சிக்மாய்டோஸ்கோபி. இயல்பற்ற பகுதிகள் உள்ளனவா எனக் காண்பதற்காக மலவாய் மற்றும் மலக்குடல் வழியாக முன்பெருங்குடலின் கீழ்ப்பகுதிக்குள் ஒரு மெல்லிய, விளக்கிட்ட குழல் நுழைக்கப்படுகிறது.
நீர்ச்சதைகள், இயல்பற்ற பகுதிகள், அல்லது புற்றுக்கட்டி ஆகியவை உள்ளனவா எனக் காண்பதற்காக மலக்குடல் மற்றும் முன்பெருங்குடலின் உட்புறத்தை நோக்குகிற ஒரு நடைமுறை.
கொலோனோஸ்கோப் மலக்குடல் வழியாக முன்பெருங்குடலுக்குள் நுழைக்கப்படுகிறது..
கொலோனோஸ்கோப் என்பது, ஒரு விளக்கு மற்றும் பார்வைக்கான ஒரு லென்ஸ் ஆகியவற்றைக் கொண்ட மெல்லிய, குழல்-போன்ற உபகரணம். அதில், நீர்ச்சதைகள் அல்லது திசு மாதிரிகளை நீக்கியெடுப்பதற்கான ஒரு கருவியும் இருக்கலாம்; புற்றுநோய் அடையாளங்கள் உள்ளனவா என அறிவதற்காக இந்த மாதிரிகள் ஒரு நுண்ணோக்கி வழியாகச் சோதிக்கப்படும்.
கொலோனோஸ்கோபி . இயல்பற்ற பகுதிகள் உள்ளனவா எனக் காண்பதற்காக மலவாய் மற்றும் மலக்குடல் வழியாக முன்பெருங்குடலுக்குள் ஒரு மெல்லிய, விளக்கிட்ட குழல் நுழைக்கப்படுகிறது.
முன்பெருங்குடல் படங்களின் ஒரு வரிசையை உருவாக்குவதற்காக கம்ப்யூட்டட் டோமோகிரா·பி எனப்படும் ஓர் எக்ஸ்-ரே படங்களின் வரிசையை பயன்படுத்தும் நடைமுறை.
பிறகு ஒரு கணினி இந்தப் படங்களை ஒன்றுசேர்த்து விலாவரியான பிம்பங்களை உருவாக்குகிறது; இவை, நீர்ச்சதைகளையும் முன்பெருங்குடலின் உட்புற மேற்பரப்பில் வழக்கமற்றதாகத் தோன்றும் வேறு எதனையும் காட்டலாம்.
புற்றுநோய் அடையாளங்கள் உள்ளதா எனச் சோதிப்பதற்காக ஒரு நோயியல் வல்லுனரால் நுண்ணோக்கி மூலம் நோக்குவதற்கு செல்கள் அல்லது திசுக்களை நீக்கியெடுத்தல்.
(நீர்ச்சதை போன்ற) ஓர் இயல்பற்ற பகுதி உள்ளதென பரிசோதனைகள் காட்டினால், புற்று செல்கள் உள்ளதா எனச் சோதிப்பதற்காக ஒரு பயாப்சி மேற்கொள்வது அவசியமாகலாம். பல சந்தர்ப்பங்களில், கொலோனோஸ்கோபி அல்லது சிக்மாய்டோஸ்கோபி செய்யப்படும் போது இயல்பற்ற திசுவை நீக்கியெடுக்கலாம். புற்று செல்கள் உள்ளதா எனக் காண்பதற்காக ஒரு நோயியல் வல்லுனர் நுண்ணோக்கி மூலம் இந்தத் திசுவை சோதிப்பார்.
புற்றுநோய் உள்ளதாக பயாப்சி காட்டினால், அதற்கான மிகச்சிறந்த சிகிச்சைக்குத் திட்டமிட அந்நோய் எந்தளவுக்கு உள்ளது (கட்டம்) என்பதை மருத்துவர் அறிந்துகொள்வது அவசியம்.
புற்றுக்கட்டி அருகாமை திசுக்களில் படர்ந்துள்ளதா, புற்றுநோய் பரவியுள்ளதா, ஆம் எனில் அது உடலின் எந்தெந்த பாகங்களுக்குப் பரவியுள்ளது என்பதைப் பொறுத்து ஸ்டேஜ் (கட்டம்) அமையும்.
இரத்தப் பரிசோதனைகள்: இரத்தத்தில் கார்சினோஎம்பிரியோனிக் ஆண்டிஜென் (சிஈஏ) மற்றும் பிற வேதிப்பொருள்கள் உள்ளனவா என மருத்துவர் சோதிப்பார். கடைப்பெருங்குடல் புற்றுநோய் அல்லது பிற நோய்நிலைகள் உள்ள சிலருக்கு உயரளவு சிஈஏ இருக்கும்.
கொலோனோஸ்கோபி: கொலோனோஸ்கோபி நோய்க்குறி அறிதலுக்காக செய்யப்பட்டிருக்காவிட்டால், மருத்துவர் ஒரு கொலோனோஸ்கோப் மூலம் முன்பெருங்குடல் மற்றும் மலக்குடல் நெடுகிலும் எங்காவது இயல்பற்ற பகுதிகள் உள்ளனவா எனச் சோதிப்பார்.
எண்டோரெக்டல் அல்ட்ராசவுண்டு: மலக்குடலுக்குள் ஓர் அல்ட்ராசவுண்டு ஆய்க்கருவி நுழைக்கப்படும். மனிதர்களால் கேட்கவியலாத ஒலி அலைகளை இந்த ஆய்க்கருவி வெளிப்படுத்துகிறது. இந்த அலைகள் மலக்குடல் மற்றும் அருகாமை திசுக்களில் மோதி எதிரொலிக்கும்; கணினி இந்த எதிரொலிகளை பயன்படுத்தி ஒரு படத்தை உருவாக்கும். மலக்குடல் புற்றுக்கட்டி எவ்வளவு ஆழமாக வளர்ந்துள்ளது அல்லது அது நிணநீர்க் கணுக்களுக்கோ மற்ற அருகாமைத் திசுக்களுக்கோ பரவியுள்ளதா என்பதை இந்தப் படம் காட்டலாம்.
நெஞ்சு(மார்புக்கூடு) எக்ஸ்-ரே: புற்றுக்கட்டி நுரையீரல்களுக்கு பரவியுள்ளதா என்பதை நெஞ்சு எக்ஸ்-ரே படங்கள் காட்டலாம்.
சிடீ ஸ்கேன்
ஒரு கணினியுடன் இணைக்கப்பட்டுள்ள எக்ஸ்-ரே எந்திரம் உடல் உட்பகுதிகளைக் காட்டும் விரிவான படங்களின் ஒரு வரிசையை உருவாக்குகிறது.
புற்றுக்கட்டி ஈரல், நுரையீரல்கள் அல்லது பிற உறுப்புகளுக்கு பரவியுள்ளதா என்பதை ஒரு சிடீ ஸ்கேன் காட்டலாம்.
முன்பெருங்குடல் அல்லது மலக்குடலின் உட்சுவருக்குள் புற்றுக்கட்டி பரவி வளர்ந்துவிடும். சுவருக்குள் புற்றுக்கட்டி பரவியிருக்காது.
முன்பெருங்குடல் அல்லது மலக்குடலுக்குள் மேலும் ஆழமாக அல்லது அதன் சுவர் வழியாக புற்றுக்கட்டி விரிவடைந்திருக்கும். புற்றுக்கட்டி அருகாமைத் திசுவிலும் படர்ந்திருக்கும்; ஆனால், நிணநீர்க் கணுக்களுக்கு பரவியிருக்காது.
புற்றுக்கட்டி அருகாமை நிணநீர்க் கணுக்களுக்கு பரவியிருக்கும்; ஆனால், உடலின் மற்ற பாகங்களுக்கு பரவியிருக்காது.
புற்றுக்கட்டி ஈரல் அல்லது நுரையீரல்கள் போன்ற உடலின் மற்ற பாகங்களுக்கு பரவியிருக்கும்.
www.magnahealthsolutions.com