மருத்துவர்கள் சில சமயங்களில், ஒரு வழக்கமான இரத்தப் பரிசோதனைக்குப் பின் மல்டிப்பிள் மைலோமா உள்ளதைக் கண்டறிகின்றனர். அதிகமான சந்தர்ப்பங்களில், எலும்பு முறிவுக்கு எக்ஸ்-ரே எடுத்த பிறகு மருத்துவர்கள் மல்டிப்பிள் மைலோமா நிலவுவது குறித்து சந்தேகிக்கத் தொடங்குகின்றனர். எனினும் வழக்கமாக, தங்களுக்கு வேறு அறிகுறிகள் இருப்பதால் மருத்துவரிடம் செல்லும்போதே இந்நோயாளிகள் தங்களுக்கு இந்நோய் உள்ளதை அறிகின்றனர்.

இத்தகு பிரச்சனைகள் மல்டிப்பிள் மைலோமா காரணமாக ஏற்பட்டுள்ளதா அல்லது வேறு சில நோய் நிலைகளால் ஏற்பட்டுள்ளதா என்பதை அறிவதற்கு, மருத்துவர்கள் நோயாளியின் சுய மற்றும் மருத்துவ வரலாறு குறித்து கேட்டறியலாம்.

பரிசோதனைக் கூடத்தில் பல முறை இரத்தப் பரிசோதனைகள் செய்யப்படுகின்றன:

மல்டிப்பிள் மைலோமா நோய் இரத்தத்தில் உயரளவுகளில் புரதங்களை உருவாக்குகின்றன. எம் புரதம் மற்றும் பிற இம்யூனோகுளோபுளின்கள் (எதிர்மக்கூறுகள்), ஆல்புமின், பீட்டா-2-மைக்ரோகுளோபுளின் உள்ளிட்ட பல்வேறு புரதங்களில் அளவு குறித்து பரிசோதனைக் கூடத்தில் சோதிக்கப்படுகின்றன.

அனீமியா (இரத்தச்சோகை), மற்றும் இரத்த வெள்ளையணுக்கள் மற்றும் இரத்தத் தட்டுகளின் எண்ணிக்கை குறைதல் ஆகியவற்றுக்கும் மைலோமா காரணமாக உள்ளது. பரிசோதனைக் கூடத்தில் இரத்த வெள்ளையணுக்கள், இரத்த சிவப்பணுக்கள், மற்றும் இரத்தத் தட்டுகளின் எண்ணிக்கையை சோதிப்பதற்காக ஒரு முழுமையான இரத்த அணு எண்ணிக்கை மேற்கொள்ளப்படுகிறது.

மேலும், அதிக கால்சியம் அளவுகள் உள்ளனவா என்பதும் பரிசோதனைக் கூடத்தில் சோதிக்கப்படுகின்றன.

சிறுநீரகங்கள் எவ்வளவு நன்றாக வேலைசெய்கின்றன என்பதை அறிவதற்காக, கிரியாட்டினின் உள்ளதா என்று பரிசோதனைக் கூடத்தில் சோதிக்கப்படுகிறது.

சிறுநீரில் உள்ள ஒருவகை எம் புரதமான பென்ஸ் ஜோன்ஸ் புரதம் உள்ளதா என பரிசோதனைக் கூடத்தில் சோதிக்கப்படுகிறது.

ஓர் 24-மணிநேர காலத்தில் சேகரிக்கப்பட்ட சிறுநீரில் உள்ள பென்ஸ் ஜோன்ஸ் புரதத்தின் அளவு பரிசோதனைக் கூடத்தில் சோதிக்கப்படுகிறது.

சிறுநீரில் உயரளவு பென்ஸ் ஜோன்ஸ் புரதம் இருப்பதாக பரிசோதனைக் கூடத்தில் கண்டறியப்பட்டால், மருத்துவர் சிறுநீரகங்களை கண்காணிப்புச் செய்வார். பென்ஸ் ஜோன்ஸ் புரதம் சிறுநீரங்களின் பாதைகளில் அடைப்பு ஏற்படுத்தி அவற்றைச் சேதப்படுத்தலாம்.

எலும்பு முறிவு அல்லது மெலிவடைதல் குறித்து சோதிப்பதற்காக எக்ஸ்-ரே எடுக்கப்படுகிறது.

மைலோமா நோயால் எத்தனை எலும்புகள் சேதமடையலாம் என்பதை கண்டறிவதற்காக ஒரு முழு உடல் எக்ஸ்-ரே எடுக்கலாம்.

புற்று செல்கள் உள்ளனவா என்பதை அறிவதற்கு மருத்துவர்கள் திசுக்களை நீக்கியெடுக்கின்றனர்.

எலும்பு மஜ்ஜையில் மைலோமா செல்கள் உள்ளனவா என்பதை அறிவதற்கு பயாப்சி(திசு ஆய்வு) மட்டும்தான் ஒரே நிச்சயமான வழியாக விளங்குகிறது.

இடுப்பு எலும்பு அல்லது இன்னொரு பெரிய எலும்பிலிருந்து சிறிது எலும்பு மஜ்ஜையை மருத்துவர் நீக்கியெடுப்பார்.

மைலோமா செல்கள் உள்ளனவா என திசுவை சோதிப்பதற்காக நோயியல் வல்லுனர் ஒரு நுண்ணோக்கியை பயன்படுத்துவார்.

எலும்பு மஜ்ஜையை நீக்கியெடுப்பதற்கு இரண்டு வழிகள் உள்ளன. சிலருக்கு ஒரே வருகையின் போது இவ்விரண்டு நடைமுறைகளும் மேற்கொள்ளப்படும்:

எலும்பு மஜ்ஜை ஆஸ்பிரேஷன் (உறிஞ்சியெடுத்தல்) மருத்துவர் எலும்பு மஜ்ஜை மாதிரிகளை நீக்கியெடுப்பதற்காக ஒரு தடினமான வெற்று ஊசியை பயன்படுத்துவார்.

எலும்பு மஜ்ஜை பயாப்சி (திசு ஆய்வு) மருத்துவர் ஒரு சிறிய எலும்பு மற்றும் எலும்பு மஜ்ஜையை நீக்கியெடுப்பதற்காக ஒரு மிகத் தடினமான வெற்று ஊசியை பயன்படுத்துவார்.

நோயாளிக்கு மல்டிப்பிள் மைலோமா உள்ளதாக திசு ஆய்வில் காட்டப்பட்டால், நோயாளிக்கு மிகச்சிறந்த சிகிச்சையை திட்டமிடுவதற்காக மருத்துவர் இந்நோய் வளர்ந்துள்ள அளவை (கட்டத்தை) அறிந்துகொள்வது அவசியம்.

நோய்க்கட்ட நிலை சோதனைக்காக கூடுதல் பரிசோதனைகள் செய்யப்படலாம்:
இரத்தப் பரிசோதனைகள்
சிடீ ஸ்கேன்
எம்ஆர்ஐ

இரத்தப் பரிசோதனைகள்: நோய்க்கட்ட நிலை செய்வதற்காக மருத்துவர் ஆல்புமின் மற்றும் பீட்டா-2-இரத்தப் பரிசோதனைகள் உள்ளிட்ட இரத்தப் பரிசோதனைகளில் முடிவுகளை மருத்துவர் பரிசீலிப்பார்.

சிடீ ஸ்கேன் ஒரு கணினியுடன் இணைக்கப்பட்டுள்ள எக்ஸ்-ரே எந்திரம் எலும்புகளைக் காட்டும் விரிவான படங்களின் ஒரு வரிசையை உருவாக்குகிறது.

எம்ஆர்ஐ: ஒரு கணினியுடன் இணைக்கப்பட்டுள்ள சக்திவாய்ந்த காந்தம் ஒன்றை பயன்படுத்தி எலும்புகளைக் காட்டும் விரிவான படங்களின் ஒரு வரிசை உருவாக்கப்படுகிறது.

மருத்துவர்கள் மல்டிப்பிள் மைலோமாவின் கட்டங்களை ஸ்மோல்டெரிங், கட்டம் I, கட்டம் II, அல்லது கட்டம் III எனச் சித்தரிக்கின்றனர்.

இந்தப் புற்றுநோய் எலும்புகள் அல்லது சிறுநீரகங்களில் பிரச்சனைகளை ஏற்படுத்துகிறதா என்பது ஒரு கட்டத்தில் பரிசீலிக்கப்படுகிறது.

ஸ்மோல்டெரிங் மல்டிப்பிள் மைலோமா என்பது, அறிகுறிகள் எதுவும் ஏற்படாத ஆரம்பகட்ட நோய் நிலை.

கட்டம் I என்பது, (எலும்புச் சேதம் போன்ற) அறிகுறிகள் கொண்ட ஆரம்பகட்ட நோய் நிலை. கட்டம் II அல்லது III என்பது, ஒரு மேலும் முதிர்ந்த நிலை; இதில், மேலும் அதிகமாக மைலோமா செல்கள் உடலில் காணப்படுகிறது.

கட்டம் I மல்டிப்பிள் மைலோமாவில் இரத்த அளவுகள் பின்வருமாறு:

பீட்டா-2-மைக்ரோகுளோபுளின் அளவு 3.5 மில்லி கிராம்/லிட்டர் என்பதை விட குறைவாக இருக்கும்; மற்றும்

ஆல்புமின் அளவு 3.5 மில்லி கிராம்/லிட்டர் அல்லது கூடுதல் அளவு இருக்கும்.

கட்டம் II மல்டிப்பிள் மைலோமாவில் இரத்த அளவுகள் பின்வருமாறு:

பீட்டா-2-மைக்ரோகுளோபுளின் அளவு 3.5 மில்லி கிராம்/லிட்டர் என்பதை விட குறைவாக இருக்கும்; மற்றும், ஆல்புமின் அளவு 3.5 மில்லி கிராம்/லிட்டர் என்பதை விட குறைவாக இருக்கும்; அல்லது

பீட்டா-2-மைக்ரோகுளோபுளின் அளவு 3.5 மில்லி கிராம்/லிட்டர் மற்றும் 5.4 மில்லி கிராம்/லிட்டர் ஆகியவற்றுக்கு இடையில் இருக்கும்.

கட்டம் III மல்டிப்பிள் மைலோமாவில், பீட்டா-2-மைக்ரோகுளோபுளின் அளவு 5.5 மில்லி கிராம்/லிட்டர் அல்லது அதைவிட அதிகமாக இருக்கும்.

www.magnahealthsolutions.com